اسلام آباد:
وزیر اعظم نواز شریف کا کہنا ہے کہ حکومت خواتین کے حقوق کے تحفظ کیلئے پرعزم ہے اور پاکستان کے آئین میں خواتین کو مردوں کے مساوی حیثیت حاصل ہے۔
خواتین کے عالمی دن کے موقع پر وزیراعظم نوازشریف نے اپنے پیغام میں کہا کہ حکومت خواتین کے حقوق کے تحفظ کیلئے پرعزم ہے، پاکستان کے آئین میں خواتین کو مردوں کے مساوی حیثیت حاصل ہے، خواتین کو معاشرے کا مفید رکن بنانا اور ہر سطح پر ان کی شمولیت قومی ذمہ داری ہے۔ ان کا کہنا تھا کہ خواتین کو زندگی کے ہر شعبے میں شامل ہونے کا حق ہے، صوبائی حکومتوں کی ذمہ داری ہے کہ خواتین کو زندگی کے تمام شعبوں میں مردوں کے مساوی مواقع فراہم کریں جب کہ وفاقی حکومت خواتین کی زندگی کے ہرشعبے میں شرکت یقینی بنانے کیلئے پْرعزم ہے۔
تبصرے بند ہیں.