ٹی 20 ورلڈکپ میں سپر 12 مرحلے کے گیارہویں میچ میں بھارت نے نیدرلینڈز کو باآسانی 56 رنز سے شکست دیدی۔سڈنی کرکٹ گراؤنڈ میں کھیلے گئے میچ میں بھارتی کپتان نے ٹاس جیت کر پہلے بیٹنگ کرنے کا فیصلہ کیا، مقررہ 20 اوورز میں بھارتی ٹیم نے 2 وکٹوں کے نقصان پر 179 رنز سکور کیے۔بھارتی اوپنر کے ایل راہول ایک بار پھر بڑا سکور کرنے میں ناکام رہے تاہم روہت شرما نے 53 اور ویرات کوہلی نے 55 رنز کی اننگز کھیلی جبکہ سوریا کمار یادیو 25 گیندوں پر 51 رنز بنا کر نمایاں رہے۔نیدرلینڈز کی جانب سے فریڈ کلاسن اور پال وین میکرین نے ایک ایک وکٹ حاصل کی۔ہدف کے تعاقب میں نیدر لینڈز کی آغاز اچھا نہ رہا، آئرش ٹیم مقررہ 20 اوورز میں 9 وکٹوں کے نقصان پر محض 123 رنز بناسکی۔نیدر لینڈز کے اوپنر وکرم جیت سنگھ ایک رن بناکر پویلین لوٹ گئے تاہم میکس او ڈاؤڈ اور ڈی لیڈز نے 16، 16 رنز سکور کیے لیکن بڑی پارٹنرشپ کرنے میں ناکام رہے۔دیگر بلےبازوں میں کولن ایکرمین 17، ٹام کوپر 9، ٹم پرنگل 20، کپتان سکاٹ ایڈورڈز 5 اور فریڈ کلاسن بغیر کوئی رن بنائے وکٹ گنوابیٹھے۔بھارت کی جانب سے اکشر پٹیل، بھنشور کمار، ارشدیب سنگھ اور ایشون نے دو دو وکٹیں حاصل کیں جبکہ شامی کے حصے میں ایک وکٹ آئی۔
تبصرے بند ہیں.