دبئی: نئی ٹیسٹ رینکنگ میں پاکستانی اسٹار یونس خان ایک درجے ترقی ملنے پر دنیا کے پانچویں بہترین بیٹسمین بن گئے۔
جنوبی افریقی کپتان ابراہم ڈی ویلیئرز بھی ایک قدم آگے بڑھ کر چھٹے نمبرپر فائز ہوگئے، ہاشم آملا چوتھے، کین ولیمسن تیسرے، جوئے روٹ دوسرے اور اسٹیون اسمتھ نمبرون پوزیشن پر براجمان ہیں، مصباح الحق ٹاپ 10 کے آخری شریک بنے، انگلش بیٹسمین جوئے برنز 26 درجے کی چھلانگ لگاکر 32ویں نمبرپر آگئے۔
کیوی کپتان برینڈن میک کولم 19ویں نمبر پر ریٹائرہوئے، انھیں کیریئر کے الوداعی کرائسٹ چرچ ٹیسٹ میں 145 اور25رنز بنانے پر 2 درجے بہتری ملی، بولنگ میں اسٹورٹ براڈ، روی چندرن ایشون اور یاسر شاہ ٹاپ تھری پوزیشنز پر براجمان ہیں۔ ایشون نمبرون آل رائونڈر کا اعزاز بھی حاصل کیے ہوئے ہیں۔
تبصرے بند ہیں.