قومی کرکٹ ٹیم ماضی میں کیویز کو سات بار ٹیسٹ میچز میں اننگز کی شکست کا مزہ چکھا چکی ہے
شارجہ : شارجہ ٹیسٹ میں نیوزی لینڈ نے پاکستان کو تیسری بار اننگز سے شکست دی ۔ ۔پاکستان نے کیویز کو سات بار اننگز سے ہرایا ۔ سیریز کا تیسرا اور آخری ٹیسٹ شارجہ کے تاریخی میدان میں ہوا ، اور وہ بھی نیوزی لینڈ کی زبردست جیت کے ساتھ یادگار بن گیا ۔ کیویز نے قومی شاہینوں کو اننگز کی کراری شکست دی اور یہ کارنامہ انہوں نے تیسری بار انجام دیا ۔ مہمان نیوزی لینڈ نے شارجہ میں اننگز اور 80 رنز کی فتح اپنے نام کی ۔ اس سے پہلے 2001 میں ہملٹن میں ایک اننگز اور 185 رنز سے میچ جیتا ، 1985 میں آکلینڈ میں کھیلے گئے میچ میں کیویز نے ایک اننگز اور 99 رنز سے فتح سمیٹی ، یہ تو نیوزی لینڈ کے کارنامے تھے جبکہ اننگز کی جیت میں پاکستان کیویز سے بہت آگے ہے ۔ قومی شاہینوں نے یہ کارنامہ سات بار انجام دیا ۔
تبصرے بند ہیں.