قومی ٹیم نے پہلے کھیلتے ہوئے 157 رنز بنائے ،آسٹریلیا نے سکور 6 وکٹوں پر پورا کر لیا
برسبین ( ) آئی سی سی ویمنز کرکٹ چیمپئن شپ میں پاکستانی ٹیم کو افتتاحی میچ میں شکست ہو گئی ۔ میزبان آسٹریلوی ٹیم نے چار وکٹ سے فتح سمیٹی ۔ برسبین میں کھیلے گئے ٹورنامنٹ کے پہلے میچ میں پاکستان نے ٹاس جیت کر بیٹنگ کا فیصلہ کیا ۔ قومی خواتین مقررہ پچاس اوورز میں 157 رنز پر آئوٹ ہوئیں ، بسمہ معروف 53 رنز کے ساتھ ٹاپ سکورر رہیں ، جبکہ ندا ڈار نے 40 رنز بنائے ، میزبان آسٹریلوی خواتین نے مقررہ ہدف 37 ویں اوور میں چھ وکٹوں کے نقصان پر حاصل کر لیا ۔ جیس کیمرون 56 اور نکول بولٹن 43 رنز کے ساتھ نمایاں رہیں ۔ پاکستان کی جانب سے ثناء میر نے تین ،قانیطہ جلیل ، سعدیہ یوسف اور بسمہ معروف نے ایک ایک شکار کیا ۔ –
تبصرے بند ہیں.