مقبوضہ کشمیر میں بھارتی فوجی کیمپ سمیت 5 مقامات پر عسکریت پسندوں کے حملے میں آٹھ بھارتی فوجیوں سمیت بیس افراد مارے گئے۔
سری نگر: بھارتی میڈیا کے مطابق عسکریت پسندوں نے سب سے پہلا حملہ شمالی کشمیر کے قصبے اوڑی میں ایک فوجی کیمپ پر کیا۔ میڈیا کے مطابق پہلے جمعرات کو پہلے ایک خودکش حملہ ہوا اس کے بعد فائرنگ شروع ہو گئی۔ بھارتی فوج اور عسکریت پسندوں کے درمیان کئی گھنٹے تک فائرنگ کا تبادلہ جاری رہا۔ بھارتی فوج کے مطابق فوجی چیک پوسٹ پر عسکریت پسندوں کے دو گروپوں نے حملہ کیا۔ حملے میں ایک سینئر فوجی افسر سمیت آٹھ فوجی اور تین پولیس اہلکار مارے گئے۔ دوسری جانب سری نگر کے مضافاتی علاقے صورہ میں بھی پولیس اور عسکریت پسندوں کے درمیان جھڑپ ہوئی ۔ جنوبی کشمیرکےعلاقے اونتی پورہ ، ترال اور شوپیاں بم دھماکوں سے گونج اٹھے۔ ان دھماکوں میں سات افراد مار گئے۔ مقبوضہ کشمیر میں نام نہاد ریاستی انتخابات کے دو مرحلے مکمل ہو چکے ہیں۔ تیسرا مرحلہ نو دسمبر کو شروع ہو گا۔ بھارتی میڈیا کے مطابق دو روز بعد ہی وزیراعظم نریندر مودی مقبوضہ وادی کے جنوبی علاقے میں ایک انتخابی ریلی سے خطاب کرنے والے تھے مقبوضہ وادی کی سیاسی جماعتوں نے حملوں کی سخت مذمت کی ہے۔ پیپلز ڈیمو کریٹک پارٹی کی سربراہ محبوب مفتی کا کہنا ہے ،مقبوضہ کشمیر میں دہشتگردی کا ذمہ دارپاکستان نہیں بھارتی میڈیا ہے۔
تبصرے بند ہیں.