لوگ زرافہ بول کر میرا مذاق اڑاتے تھے،سونم کپور

بھارتی اداکارہ سونم کپور کا شمار ان اداکاراؤں میں کیا جاتا ہے جو اپنے کیریئر کے آغاز سے ہی خواتین کو بااختیار بنانے کے لیے آواز اٹھاتی آرہی ہیں۔سونم کپور کا کہنا ہےکہ ’میرے لیے میری فیملی بہت قیمتی ہے، اگر کوئی بھی ان کے بارے میں کچھ کہتا ہے تو مجھے بہت افسوس ہوتا ہے، مجھے اس بات سے کوئی فرق نہیں پڑتا کہ کوئی میرے کام کو یا مجھے تنقید کا نشانہ بنائے، میرا خیال ہے کہ سوناکشی سنہا اور انوشکا شرما کی ظاہری شخصیات کو انٹرنیٹ پر متعدد بار تنقید کا نشانہ بنایا گیا، مجھے یہ بالکل پسند نہیں آیا کیوں کہ ایک اداکارہ ہونے کی حیثیت سے لوگ آپ کو دیکھ رہے ہوتے ہیں اور خود اپنی طرف سے اندازے لگاتے ہیں‘۔اداکارہ نے مزید بتایا کہ ’ایک وقت تک لوگ مجھے زرافہ بول کر میرا مذاق اڑاتے تھے، کیوں کہ میں بہت پتلی تھی، اس کے بعد میں نے وزن بڑھا لیا اور اس کے اپنے مسائل سامنے آئے‘۔سونم کے مطابق ’جب آپ وزن بڑھا لیں تو لوگ کہتے ہیں بہت موٹی ہوگئی ہے، کالی ہوگئی ہے، لمبی ہوگئی ہے شادی کون کرے گا‘۔اداکارہ نے تنقید کرنے والوں اور ظاہری شخصیت کا مذاق بنانے والوں کو پیغام دیا کہ ایسا کرنا صحیح نہیں، اس کا ذہن پر اچھا تاثر نہیں پڑتا، لوگوں کو کئی ذہنی مسائل کا سامنا ہوتا ہے اور ان کے ساتھ ایسا کرنا ٹھیک نہیں۔کام کے حوالے سے بات کی جائے تو سونم کپور اس وقت اپنی فلم ’دی زویا فیکٹر‘ کی شوٹنگ میں مصروف ہیں۔