فیلڈ مارشل سید عاصم منیر کے دورہ امریکا میں پاکستان کے مؤقف کو بھرپور پذیرائی ملی۔ بھارت کی پاکستان میں ریاستی دہشت گردی کی توثیق ہوگئی ۔ امریکا کا بھارتی پراکسیز بی ایل اے اور مجید بریگیڈ کو غیرملکی دہشت گرد تنظیمیں قرار دینا فیلڈ مارشل کی کاوشوں کی کامیابی کا مظہر ہے۔فیلڈمارشل عاصم منیر کی دورہ امریکا میں کامیاب ملٹری ڈپلومیسی سے بھارت کا دہشتگردانہ چہرہ دنیا بھر میں بے نقاب ہو گیا ۔ ٹرمپ انتظامیہ نے فتنہ الہندوستان بی ایل اے اور مجید بریگیڈ کو عالمی دہشت گرد تنظیمیں قرار دیدیا۔ امریکا کا یہ فیصلہ فیلڈ مارشل کی کاوشوں کی بڑی کامیابی اور پاکستان کے مؤقف کی عالمی سطح پر توثیق ہے۔ اس سے بھارت کا اصل مکروہ چہرہ دنیا کے سامنے آ گیا ۔سیکیورٹی ذرائع کے مطابق بھارتی خفیہ ایجنسی را نے فتنہ الہندوستان کےساتھ براہِ راست روابط قائم رکھے اور پاکستان میں دہشت گردانہ کارروائیوں کیلئے مالی امداد فراہم کی ۔ مودی سرکار نے فتنہ الہندوستان کے دہشت گردوں کو ، اپنے ملک میں علاج کی سہولیات بھی دیں ۔ گودی میڈیا نے بی ایل اے کی دہشت گردانہ کاروائیوں کو جواز فراہم کرنے کے لئے ایڑی چوٹی کا زور لگایا۔بھارتی وزیراعظم نریندر مودی اور نیشنل سیکیورٹی ایڈوائزر اجیت دوول نے بلوچستان میں فتنہ الہندوستان کے ساتھ اپنے روابط کا برملا اعتراف کیا ۔ کلبھوشن یادیو کی بلوچستان سے گرفتاری بھارتی ریاستی دہشت گردی کا واضح ثبوت ہے ۔ بھارت کے دہشت گردانہ عزائم نا صرف خطے بلکہ عالمی امن کیلئے خطرہ ہیں۔
تبصرے بند ہیں.