فلم ’’طیفا ان ٹربل‘‘ نے ریلیز کے پہلے ہی روز ریکارڈ قائم کردیا

ریلیز سے قبل فلم کی بھرپورانداز میں تشہیر کی گئی تھی جس کے باعث امید تھی کہ فلم اچھا بزنس کرنے میں کامیاب ہوجائے گی لیکن توقع کے برعکس فلم نے ریلیز کے پہلے روز 2کروڑ 25 لاکھ کاشاندار بزنس کرکے نیا ریکارڈ قائم کردیا۔

یہ عید الفطر پر ریلیز ہونے والی ماہرہ خان کی فلم’’سات دن محبت ان‘‘اورمعمر رانا کی’’آزادی‘‘کے پہلے دن سے بھی زیادہ بزنس ہے۔ ان دونوں فلموں نے پہلے روز ایک کروڑ 5 لاکھ کمائے تھے۔ اس طرح ’’طیفا ان ٹربل‘‘ نے عید پر ریلیز ہونے والی تمام فلموں کو پیچھے چھوڑدیا۔