بھارتی انتخابات میں شریک تیسری قوت عام آدمی پارٹی بھی خاص، 86 امیدوار ارب پتی نکلے۔
نئی دہلی: (آن لائن) بھارت میں عام آدمی کی پارٹی بھی بڑی امیر ہے جن میں سے کئی ایک کے اثاثے تو کروڑوں میں ہیں۔ عام آدمی کی جماعت سے ذہن میں غریب، حقوق سے محروم اور بنیادی سہولتوں کے ترسے ہوئے لوگ آتے ہیں لیکن بھارت میں تو گنگا الٹی بہہ رہی ہے جہاں سابق وزیر اعلیٰ اروند کیجریوال کی جماعت عام آدمی پارٹی میں بڑے بڑے امیر لوگ بھی موجود ہیں۔ عام انتخابات میں لوک سبھا کی نشستوں کے لیے پہلے پانچ مرحلوں میں عام آدمی پارٹی کے ٹکٹ سے 2 سو امیدوار میدان میں آئے۔ جن میں سے 86 کے اثاثے دیکھ کر تو ہاتھوں کے طوطے ہی اڑ گئے۔ ایسوسی ایشن آف ڈیمو کریٹک رائٹس کی رپورٹ کے مطابق عام آدمی پارٹی کے 86 امیدواروں میں سے کچھ کے اثاثے اس طرح سامنے آئے ہیں۔ بنگلور سے کھڑے ہونے والے انفوسیس کے سابق عہدیدار بالا کرشنا کے اثاثے 189 کروڑ، مہاراشٹر کی انجلی کے 19 کروڑ، ریٹائر جنرل کادیان کے 13 کروڑ، اداکارہ و سیاستدان گل پناگ کے 12 کروڑ، عام آدمی پارٹی کے نظریاتی پالیسیوں کے سربراہ یوگندرا یادو نے 2 کروڑ کے اثاثے ظاہر کیے ہیں۔
تبصرے بند ہیں.