شوبز میں شارٹ کٹ کا مشورہ دینے والوں کی بہتات ہے ‘ پائل خان

لاہور( شوبزڈیسک)نامور اداکارہ پائل خان نے کہا ہے کہ شوبز میں شارٹ کٹ کا مشورہ دینے والوں کی بہتات ہے اور بہت سی اداکارائیں ان مشوروں پر عمل کرکے اپنا کیرئیر دائو پر لگا چکی ہیں۔ خصوصی گفتگوکرتے ہوئے پائل خان نے کہا کہ مجھے بھی ایسے لوگ ملے جنہوںنے سبز باغ دکھائے اور شارٹ کٹ راستہ اختیارکرنے کامشورہ دیا لیکن میں انہیں کسی خاطر میں نہیں لائی ،میںپانچ سالوں سے بھرپور محنت کر رہی ہوں اوراسی کی بدولت تھیٹر کی دنیا میں اپنا نام او رمقام بنایا ہے۔ مجھے یہ اعزاز حاصل ہے کہ میں پنجاب کے تمام تھیٹرز پر کام کرنے والی واحد اداکارہ ہوں ۔ میںنے کبھی ڈانس پرفارمنس کیلئے کوئی شرط نہیں رکھی بلکہ عاجزی سے کام کرتی ہوں اور خدا کی ذات نے مجھے کامیابی سے بھی نوازا ہے ۔