بھارتی اداکارہ سوناکشی سنہا نئے اداکار ظہیر اقبال کے عشق میں گرفتار ہو گئی ہیں۔دونوں اداکاروں کے درمیان قربتوں کی چہ مگوئیاں اس وقت شروع ہوئیں، جب جون 2018 میں ظہیر اقبال نے سوناکشی سنہا کو سالگرہ کے دن پر مبارک باد پیش کی تھی۔ظہیر اقبال نے سوناکشی سنہا کے ساتھ اپنی تصویر شیئر کرتے ہوئے انسٹاگرام پر لکھا تھا کہ اگر ان کا بس چلتا تو سوناکشی سنہا کی سالگرہ پر عام تعطیل کردیتے۔ گزشتہ ماہ سلمان خان کی 53 ویں سالگرہ کے موقع پر ہونے والی ملاقات سے دونوں کے درمیان قربتیں پیدا ہوئیں۔دلچسپ بات یہ ہے کہ ظہیر اقبال کا تعلق غیر فلمی دنیا سے ہے ۔ظہیر اقبال کو متعارف کرانے کے حوالے سے سلمان خان نے ستمبر 2018 میں اعلان کیا تھا اور کہا تھا کہ وہ ان کے بہت پرانے دوست کے بیٹے ہیں۔سلمان خان کی ہوم پروڈکشن میں بننے والی رومانٹک فلم میں منیش بہل کی بیٹی پراناتو بہل کے ساتھ رومانس کرتے دکھائی دیں گے۔اگرچہ سلمان خان نے اس وقت فلم کا نام، کہانی اور اسے ریلیز کرنے کی تاریخ کا اعلان نہیں کیا تھا، تاہم بعد میں بتایا تھا کہ یہ دونوں ’نوٹ بک‘ نامی رومانٹک فلم میں نظر آئیں گے اور اسے مارچ 2019 میں ریلیز کردیا جائے گا۔دوسری جانب ظہیر اقبال کے ساتھ رومانس کی چہ مگوئیوں پر تاحال سوناکشی سنہا نے کوئی رد عمل نہیں دیا۔
تبصرے بند ہیں.