اسلام آباد (سپو ر ٹس ڈیسک)سندھ ٹینس ایسوسی ایشن کے زیراہتمام اور تقویت الایمان سکول کے تعاون سے سندھ رینکنگ ٹینس چیمپئن شپ 12 ستمبر سے یونین کلب کراچی میں شروع ہو گی۔گذشتہ روز سندھ ٹینس ایسوسی ایشن کے سینئر نائب صدر اور ٹورنامنٹ ڈائریکٹر محمد خالد رحمانی نے سرکاری خبر رساں ادارے سے گفتگو کرتے ہوئے بتایاکہ چیمپئن شپ کی تیاریاں زور و شور سے جاری ہیں اور چیمپئن شپ میں مینز سنگلز اینڈ ڈبلز، لیڈیز سنگلز، انڈر۔17، انڈر۔15، انڈر۔13، انڈر۔11، انڈر۔9 اور انڈر۔7 کے مقابلے شامل ہیں۔ انہوں نے کہا کہ چیمپئن شپ میں سافٹ ٹینس کے مینز اور ویمنز سنگلز اور وہیل چیئر ڈبلز کے مقابلے بھی شامل ہیں۔ چیمپئن شپ میں شرکت کی خواہش رکھنے والے کھلاڑی اپنی اپنی رجسٹریشن 10ستمبر تک کروا سکتے ہیں۔
تبصرے بند ہیں.