سعودی عرب اور متحدہ عرب امارات نے مجموعی طور پر گزشتہ برس آٹھ ارب ساٹھ کروڑ ڈالرز کا اسلحہ خریدا
جدہ : اسلحے کی خریداری میں سعودی عرب بھارت کو پیچھے چھوڑ کر دنیا میں اسلحے کا سب سے بڑا خریدار بن گیا ۔ بین الااقوامی ادارے آئی ایچ ایس کی رپورٹ کے مطابق سال دو ہزار چودہ میں مجموعی طور پر 64 ارب 40 کروڑ ڈالر مالیت کا اسلحہ فروخت ہوا ، جس میں سب سے زیادہ حصہ سعودی عرب کا ہے ۔ سعودی عرب اور امارات نے مشترکہ طور پر 8 ارب 60 کروڑ ڈالر مالیت کا اسلحہ خریدا جبکہ سن 2013 میں بھارت کا نمبر پہلا تھا ۔ اسلحے کی تجارت میں اس ریکارڈ اضافے کی وجہ مشرق وسطیٰ اور ایشیائی بحرالکاہل کے خطے میں بڑھتی ہوئی کشیدگی ہے ۔ رپورٹ میں یہ بھی بتایا گیا ہے کہ 2014 کے دوران سعودی عرب کی اسلحے کی مانگ میں 54 فیصد اضافہ ہوا ۔
تبصرے بند ہیں.