تازہ ترین

سعد رفیق نے عوام کو ریلوے اور پی آئی اے کے کرایوں میں 10 فیصد کمی کی خوشخبری سنا دی

وزیر برائے ریلوے و ہوا بازی خواجہ سعد رفیق نے عوام کو ریلوے اور پی آئی اے کے کرایوں میں 10 فیصد کمی کی خوشخبری سنا دی۔سوشل میڈیا پر جاری ایک بیان میں خواجہ سعد رفیق نے بتایا کہ پیٹرولیم مصنوعات کی قیمتوں میں کمی کے بعد پی آئی اے کی اندرون ملک پروازوں کی دونوں کلاسز اور پاکستان ریلویز کی اکانومی کلاس کے کرایوں میں 10 فیصد رعایت دی جا رہی ہے۔سعد رفیق نے بتایا کہ پاکستان ریلوے میں 94 فیصد جبکہ پی آئی اے میں 90 فیصد سے زائد مسافر اکانومی کلاس میں سفر کرتے ہیں۔ان کا کہنا تھا کہ سول ایوی ایشن اتھارٹی نے پرائیویٹ ائیر لائنز کو بھی کرایوں میں کمی کی ہدایات جاری کر دی ہیں۔وفاقی وزیر نے بتایا کہ ریلوے اور پی آئی اے کے کرایوں میں کمی کا اطلاق 17 جولائی سے اگلے 30 روز کے لیے ہو گا۔

شاید آپ یہ بھی پسند کریں مصنف سے زیادہ

تبصرے بند ہیں.