نئی دہلی (نیٹ نیوز )انڈوں کا ناشتے میں استعمال بہت عام ہے اور انڈے بناتے وقت ہم میں سے اکثر لوگوں کے ساتھ یہ ہوا ہوگا کہ انڈا خراب نکلا یا اس کارنگ عام انڈوں سے مختلف ہوتا ہے ،لیکن آج ہم آپ کو ایک عجیب و غریب واقعے کے حوالے سے بتانے والے ہیں جہاں ایک مرغی کے ہر انڈے کی زردی کا رنگ ہرا ہے اور اس انڈے کے ذائقے میں بھی کوئی فرق نہیں ہے۔غیر ملکی خبر رساں ادارے کے مطابق بھارتی ریاست کیریلا کے ایک کسان کا کہنا ہے کہ ان کی مرغی جو انڈے دیتی ہے اس کی زردی کا رنگ ہرا ہوتا ہے جب کہ اس انڈے کا ذائقہ عام انڈوں جیسا ہی ہے ، اس حوالے سے کسان نے ان انڈوں کی چند تصاویر سوشل میڈیا پر شیئر کیں جو کہ وائرل ہوئیں۔اس واقعے کے بعد کیریلا کی وٹرنیٹی اینڈ اینیمل سائنسز یونیورسٹی کے ماہرین کو تشویش ہوئی اور انہوں نے اس معاملے پر تحقیق شروع کردی، ماہرین نے بتایا کہ انڈے دینے کے حوالے سے مرغیوں کی خوراک بہت معنی رکھتی ہے، یہی وجہ ہے کہ خوراک کی وجہ سے ان کی زردی کا رنگ متاثر ہوسکتا ہے، بعد ازاں کسان نے بتایا کہ وہ اپنی مرغی کو ان کی غذا میں پودوں کے ساتھ جڑی بوٹیاں ملا کر کھلاتے تھے۔
تبصرے بند ہیں.