نئی دہلی: بھارتی ٹینس اسٹار ثانیہ مرزا نے کہا ہے کہ کسی کو میری نجی زندگی میں دخل دینے کا حق نہیں ہے۔
برطانوی نشریاتی ادارے کو انٹرویو میں ثانیہ مرزا نے فیملی پلاننگ کے حوالے سے پوچھے جانے والے سوال پرکہا کہ یہ انتہائی بری بات ہے کہ مجھ سے میری ذاتی زندگی سے متعلق پوچھا جائے۔ صرف اس وجہ سے کہ میں ایک عوامی شخصیت ہوں۔ ان کا کہنا تھا کہ میں کسی کو اس بات کا حق نہیں دے سکتی کہ وہ میرے نجی معاملات پربات کرے۔
واضح ر ہے کہ ثانیہ مرزا پاکستانی آل راؤنڈر شعیب ملک کی اہلیہ ہیں اور وہ رواں برس سوئس مس مارٹینا ہنگز کی شراکت میں 2 گرینڈ سلم سمیت کئی ڈبلز ٹائٹلز اپنے نام کر چکی ہیں۔
تبصرے بند ہیں.