کراچی: مقامی نجی اسپتال میں زیر علاج لیجنڈ کرکٹر حنیف محمد کی طبیعت ایک مرتبہ پھر بگڑ گئی ہے جس کے بعد انہیں وینٹی لیٹر میں منتقل کردیا گیا ہے۔
پاکستان کے لیجنڈ کرکٹر حنیف محمد کینسر کے عارضے میں مبتلا ہونے کے باعث کراچی کے نجی اسپتال کے انتہائی نگہداشت کے وارڈ میں زیر علاج ہیں۔ گزشتہ چند روز سے ان کی طبیعت بتدریج بہتر ہورہی تھی لیکن پیر کی صبح سے ان کی طبیعت ایک مرتبہ پھر بگڑ گئی۔
حنیف محمد کے صاحبزادے شعیب محمد کا کہنا ہے کہ ان کے والد کو سانس لینے میں دشواری پیش آرہی تھی جس کے بعد معالجین نے انہیں وینٹی لیٹر میں منتقل کردیا ہے جہاں ماہر ڈاکٹروں کی ٹیم ان کی حالت کا جائزہ لے رہے ہیں۔
تبصرے بند ہیں.