کھیل

بہت جلد چھری کے نیچے جانے والا ہوں، شعیب اختر کی ٹوئٹ پر مداح حیران

قومی ٹیم کے سابق اسپیڈ اسٹار شعیب اختر کی جانب سے سوشل میڈیا پر جاری کیے جانے والے ایک بیان نے ان کے مداحوں کو پریشانی میں مبتلا کر دیا۔شعیب اختر کی جانب سے سوشل میڈیا پر ایک ویڈیو اپ لوڈ کی گئی اور ساتھ ہی کیپشن بھی تحریر کیا گیا۔شعیب اختر نے ٹوئٹ کے کیپشن میں لکھا کہ آسٹریلیا کی یہ خوبصورت صبح، خود کو چند روز میں چھری کے نیچے جانے کے لیے تیار کر رہا ہوں، اس وقت تک سڈنی میں خوبصورت وقت گزار رہا ہوں، آسٹریلیا میں پہلے بھی بہت اچھا ٹائم گزار چکا ہوں۔شعیب اختر کے اس ٹوئٹ نے ان کے چاہنے والوں کو تذبذب میں ڈال دیا تھا تاہم سابق فاسٹ بولر کی جانب سے اس ٹوئٹ کے ساتھ ایک ویڈیو بھی ڈالی گئی جس سے ان کے چاہنے والوں کی جان میں جان آگئی۔راولپنڈی ایکسپریس نے ویڈیو بیان میں اپنی طبیعت سے متعلق پوچھنے والوں کا شکریہ ادا کرتے ہوئے کہا کہ میری سرجری کے لیے دعا کریں، امید ہے کہ جلد ٹھیک ہو جاؤں گا۔شعیب اختر نے اپنی رہائشگاہ سے سڈنی شہر کا خوبصورت نظارہ کرواتے ہوئے کہا کہ صبح جلدی اٹھ گیا تھا اس لیے ویڈیو بنا لی، انہوں نے اپنے اپارٹمنٹ کا نظارہ بھی کروایا۔

شاید آپ یہ بھی پسند کریں مصنف سے زیادہ

تبصرے بند ہیں.