لاہور
گلوکارہ مہک علی نے کہا ہے کہ اپنی کامیابیوں کو ہمیشہ اپنے پرستاروں کے نام کیا ہے۔اپنے ایک انٹرویو میں مہک علی نے بتایا کہ میں نے میوزک سیکھنے کا فیصلہ کیا تواس کے بعد مجھے ریڈیو میں گانے کا موقع ملا جس کے بعد میں باقاعدہ گلوکاری سیکھتے ہوئے اپنے فنی کیرئیر میں ابتک 15وڈیو سونگ تیار کرچکی ہوں، جو مختلف نجی چینلز اور سوشل میڈیا پرموجود ہیں ۔گلوکارہ نے کہا کہ بطور پلے بیک سنگر فلم ’’دیکھ مگر پیار سے ‘‘ میں شامل گانا ’’ کالا ڈوریا ‘‘ تھا جس کو 2015 میں سوشل میڈیا پر سب سے زیادہ سرچ اور دیکھا گیا تھا اس گانے پر مجھے مختلف ایوارڈز میں بہترین گلوکارہ کی کیٹگیری کیلیے نامزد کی گیا تھا، اب ہمایوں سعید کی نئی فلم جوانی پھر نہیں آنی ٹو میں شامل گانا لاہور تیرے تے مردا اس وقت سپر ہٹ گانا بن چکا ہے جو ہر زبان زدعام ہے اور پہلی سنگر ہوں جس کو ریڈیو مرچی بالی وڈ سے ایوارڈ نامزدگی کیلیے منتخب کیا گیا۔مہک علی نے کہا کہ میں امریکا ، یورپ اوردبئی سمیت دنیا کے بیشترممالک میں پرفارم کرچکی ہوں ، لیکن جوخوشی مجھے اپنے ملک میں پرفارم کرکے محسوس ہوتی ہے، وہ کہیں اورنہیں۔ انھوں نے کہا میں پہلی صوفی فوک گلوکارہ ہوں جو صوفیانہ کلام کو فوک اور جدید انداز میں پیش کر رہی ہوں ، صوفیانہ کلام گا کرمجھے روحانی سکون ملتا ہے۔
تبصرے بند ہیں.