ٹریفورڈ: انگلینڈ نے جنوبی افریقی بولرز کودھوڈالا، ٹی ٹوئنٹی کرکٹ میں بھی نئی تاریخ رقم کردی۔اولڈ ٹریفورڈ میں کھیلے گئے میچ میں میزبان انگلینڈ نے 2 وکٹوں کے نقصان پر 304 رنز کا پہاڑ کھڑا کر کے سیریز 1-1 سے برابر کر دی۔ فل سالٹ نے انگلینڈ کی ٹی ٹوئنٹی تاریخ کی تیز ترین سنچری بنا کر ٹیم کو جنوبی افریقہ کے خلاف تاریخی فتح دلائی۔فل سالٹ نے صرف 39 گیندوں میں سنچری بنا کر لیام لیونگسٹون کا ریکارڈ توڑ دیا۔ وہ 60 گیندوں پر 141 رنز بنانے میں کامیاب رہے۔ لیام لیونگ اسٹون نے 2021 میں پاکستان کے خلاف ٹی ٹوئنٹی سیریز میں 42 گیندوں پر سنچری اسکور کی تھی۔جوس بٹلر نے بھی شاندار بلے بازی کا مظاہرہ کرتے ہوئے 30 گیندوں پر 83 رنز بنائے اور سالٹ کے ساتھ 126 رنز کی شراکت قائم کی، جیکب بیتھل نے 24 اور کپتان ہیری بروک نے 21 گیندوں پر 41 رنز کی ناقابل شکست اننگز کھیلی۔ہدف کے تعاقب میں جنوبی افریقہ کے اوپنرز ایڈن مارکرم اور ریان رکلٹن نے جارحانہ آغاز کیا اور 22 گیندوں پر 50 رنز بنائے۔تاہم جوفرا آرچر نے شاندار بولنگ کرتے ہوئے 2 کھلاڑیوں کو پویلین بھیجا۔ آرچر نے 25 رنز کے عوض 3 وکٹیں حاصل کیں جبکہ سیم کورن نے 11 رنز کے عوض 2 وکٹیں حاصل کیں۔جنوبی افریقہ نے انگلینڈ کے خلاف 158 رنز بنائے اور پوری ٹیم آؤٹ ہوگئی، اس طرح انگلینڈ نے یہ میچ 146 رنز سے جیت لیا۔ سیریز کا فیصلہ کن میچ اتوار کو ٹرینٹ برج میں کھیلا جائے گا۔
تبصرے بند ہیں.