اداکارہ چاہت کھنہ فرحان مرزا سے طلاق کے بعد میکا سنگھ کے ساتھ

کورونا وائرس کی وجہ سے ان دنوں سبھی اپنے اپنے گھروں میں قید ہیں اور اپنے گھر والوں کے ساتھ وقت گزار رہے ہیں ۔ اس درمیان ٹی وی اداکارہ چاہت کھنہ کی کچھ تصویریں سوشل میڈیا پر کافی وائرل ہورہی ہیں ۔ ان تصویروں میں ان کے ساتھ میکا سنگھ بھی نظر آرہے ہیں ۔چاہت کھنہ اور میکا سنگھ دونوں نے ایک دوسرے کے ساتھ کی تصویریں اپنے اپنے سوشل میڈیا اکاونٹس پر شیئر کی ہیں ، جنہیں دیکھ کر ان کے فین ان کی کیمسٹری پر تبصرے کررہے ہیں ۔ انسٹاگرام ۔چاہت کھنہ نے تصاویر شیئر کرتے ہوئے کیپشن میں لکھا ہے کہ چلو کسی کا کوارنٹائن بنتے ہیں ۔ لاک ڈاون میں ہم دونوں نے ایک دوسرے کو ڈھونڈا ، اس سے کافی خوش ہوں۔چاہت کھنہ اور میکا سنگھ کی ان وائرل تصاویر کو دیکھ کر اب یہ خبریں بھی گردش کرنے لگی ہیں کہ دونوں ایک دوسرے کو ڈیٹ کررہے ہیں ۔ اداکارہ چاہت کھنہ نے سال 2013 میں فرحان مرزا سے شادی کی تھی ۔ تاہم دونوں کی شادی طویل عرصہ تک نہیں چل سکی اور سال 2018 میں دونوں کا طلاق ہوگیا اور اس دوران چاہت کھنہ کافی سرخیوں میں بھی آگئی تھیں ۔ چاہت کھنہ اور میکا سنگھ ساتھ میں ایک میوزک ویڈیو کررہے ہیں۔