آسٹریلیا کی بگ بیش لیگ کی ٹیم میلبرن اسٹارز کے جنرل مینیجر میکس ایبٹ کا کہنا ہے کہ حارث رؤف میلبرن اسٹارز کے فین فیورٹ کھلاڑی ہیں، سب انہیں پسند کرتے ہیں اس لیے انہیں میلبرن اسٹارز سے جانے نہیں دیا گیا۔میکس ایبٹ نے میلبرن میں میڈیا سے گفتگو کرتے ہوئے کہا کہ حارث رؤف کو میلبرن اسٹارز کے کھلاڑی بہت پسند کرتے ہیں۔اُنہوں نے کہا کہ حارث رؤف سے دیگر بالرز کو سیکھنے کا موقع بھی ملتا ہے، اس لیے ہم نے حارث رؤف کو جانے نہیں دیا اور حارث رؤف کو کہیں جانے بھی نہیں دیں گے، حارث رؤف اس وقت کیریئر بیسٹ فارم میں ہیں۔ میکس ایبٹ نے کہا کہ بگ بیش لیگ میں حارث رؤف اور بابر اعظم کا ایم سی جی میں مقابلہ دیکھنے کےلیے پُرجوش ہیں۔ یقیناََ حارث رؤف کے پاس بابر اعظم کی چند کمزوریاں ہوں گی اس لیے ہم بہت پُرجوش ہیں کہ فاسٹ بولر حارث رؤف ایک بار پھر میلبرن اسٹارز کا حصہ ہیں۔اُنہوں نے کہا کہ یہاں پاکستان کی کمیونٹی کےلیے بہت زیادہ اچھا ہے کہ ان کے پسندیدہ کھلاڑی اس مرتبہ بی بی ایل کھیل رہے ہیں۔میکس ایبٹ نے مزید کہا کہ یہ بی بی ایل کےلیے بھی بہت اچھا ہے کہ پاکستان کے ٹاپ کرکٹرز کھیل رہے ہیں، اس وقت پاکستان اور آسٹریلیا کرکٹ بورڈز کے درمیان بھی بڑے مضبوط روابط ہیں جو اچھی چیز ہے۔انہوں نے کہا کہ میلبرن اسٹارز اپنے گزشتہ برس کے مومنٹم کو برقرار رکھنے کی کوشش کرے گی۔
تبصرے بند ہیں.