کراچی اسٹاک مارکیٹ گزشتہ ہفتے کاروباری اتار چڑھاؤ کے بعد مندی کی زد میں رہی۔ کے ایس ای100انڈیکس 34400 پوائنٹس کی بلند سطح سے گر کر34100 پوائنٹس پر بند ہوا۔
مندی کے سبب مارکیٹ میں5 کاروباری دنوں کے دوران سرمایہ کاروں کے 91ارب سے زائد ڈوب گئے جس کی وجہ سے سرمائے کا مجموعی حجم 73 کھرب سے گھٹ کر 72 کھرب روپے کی سطح پر آگیا۔گزشتہ ہفتے کراچی اسٹاک مارکیٹ کاروبار کے پہلے ہی روز دباؤ کا شکار ہوکر مندی کی لپیٹ میں آگئی جس کے بعد 5 کاروباری دنوں میں سے 4 دن مارکیٹ پر مندی کے بادل چھائے رہے اور انڈیکس اس مدت میں 612.49پوائنٹس گھٹ گیا۔ مجموعی طور پر کے ایس ای 100 انڈیکس 34300 ,34400 اور 34200 پوائنٹس کی 3 بالائی حد یں گنوابیٹھا۔کاروباری اتار چڑھاؤ کے باعث رونماہونے والی مندی سے مارکیٹ کے سرمائے میں 91 ارب 60 کروڑ 92 لاکھ 32 ہزار 36 روپے کی کمی ریکارڈ کی گئی جس کے نتیجے میں مجموعی سرمایہ 73 کھرب 10 ارب 37 کروڑ 42 لاکھ 12 ہزار 946 روپے سے کم ہوکر 72 کھرب 18 ارب 76 کروڑ 49 لاکھ 80 ہزار 910 روپے رہ گیا۔
تبصرے بند ہیں.