روسیو:
فاسٹ بولر محمد عباس نے ڈیبیو سیریز کو عمدہ کارکردگی سے یاد گار بنالیا، انھوں نے 19.20 کی اوسط سے 15 وکٹیں لیں۔
ویسٹ انڈیز کے خلاف تین میچز کی سیریز کے ابتدائی معرکے میں رائٹ آرم فاسٹ بولر محمد عباس نے ڈیبیو کیا، انھوں نے سیریز کے دوران مجموعی طور پر 126 اوورز میں 288 رنز دیکر15 کھلاڑیوں کو آؤٹ کیا، اس دوران ان کی ایوریج 19.20رہی، یاسر شاہ نے سب سے زیادہ 25 شکار کیے، ان کی اوسط 21.96 تھی، عامر نے صرف 17.46 کی اوسط سے 13 وکٹیں لیں۔ حسن علی نے واحد میچ میں 3 جبکہ وہاب نے بھی ایک ہی میچ میں 2 وکٹیں لیں، پہلے میچ میں ڈیبیو کرنے والے شاداب نے صرف ایک وکٹ لی اور پھر انھیں میدان میں نہیں اتارا گیا۔
تبصرے بند ہیں.