بحریہ ٹائون اور دنیا نیوز کی ٹیموں نے کنٹرول لائن کے آخری گائوں کا دورہ کیا،5 ہزار متاثرین کو طبی امداد دی گئی
سیالکوٹ ( ) بحریہ ٹاؤن اور ریلیف ٹیموں نے کنٹرول لائن پر سیلاب سے متاثرہ سیالکوٹ کے آخری گاؤں کا دورہ کیا اور متاثرین میں امدادی سامان تقسیم کیا ۔ بحریہ ٹاؤن کے ریلیف آپریشن کے انچارج بریگیڈیئر ریٹائرڈ طاہر بٹ نے کنٹرول لائن پر آخری گاؤں چمبھیاں ، پتوال اور صالح پور کا دورہ کیا ، انہوں نے بحریہ ٹاؤن کی جانب سے متاثرین سیلاب میں امدادی سامان تقسیم کیا ۔ اس موقع پر انہوں نے کہا کہ سیلاب سے متاثرہ علاقوں میں کل سے دستر خوان کا انتظام بھی کیا جا رہا ہے ، پانچ ہزار سے زائد متاثرین کو طبی سہولیات بھی فراہم کی گئی ہیں ۔ متاثرین کو آٹا، گھی ،چینی ، چاول،خشک دودھ اور پینے کے صاف پانی سمیت کھانے پینے کی دیگر اشیاء کی فراہمی یقینی بنائی جا رہی ہے ۔ ان کا کہنا تھا کہ اب تک ایک ہزار سے زائد خاندانوں کو راشن فراہم کیا جا چکا ہے ۔ بحریہ ٹاؤن اور دنیا نیوز کی ریلیف ٹیمیں کنٹرول لائن پر موجودہ سیلاب سے متاثرہ علاقوں میں بھر پور امدادی سرگرمیوں میں مصروف ہیں –
تبصرے بند ہیں.