پشاور کے علاقے چمکنی میں سی این جی سلنڈر پھٹنے سے چار افراد جاں بحق جبکہ تین زخمی ہو گئے۔ دھماکے سے سی این جی اسٹیشن کی چھت کو بھی نقصان پہنچا۔
پشاور:) پشاور رنگ روڈ پر چمکنی کے علاقے میں واقع پاک افغان سی این جی اسٹیشن پر ایک گاڑی میں گیس بھری جا رہی تھی کہ اس دوران سلنڈر زوردار دھماکے سے پھٹ گیا۔ جس سے گاڑی میں سوار چار افراد موقع پر ہی جاں بحق ہو گئے جبکہ وہیں ایک دوسری گاڑی میں سوار تین افراد بھی زخمی ہو گئے۔ دھماکے سے سی این جی اسٹیشن پر کھڑی دو گاڑیاں بھی تباہ ہو گئیں۔ دھماکے کے فوری بعد ریسکیو ٹیمیں موقع پر پہنچ گئیں اور جاں بحق ہونے والوں کی لاشوں اور زخمیوں کو لیڈی ریڈنگ منتقل کیا۔ زخمیوں کو فوری طبی امداد کے بعد فارغ کر دیا گیا۔ دھماکے سے سی این جی اسٹیشن کی چھت کو بھی نقصان پہنچا۔ –
تبصرے بند ہیں.