تازہ ترینجرم و سزا

مہاراشٹرا: سیب کے ڈبوں میں چھپی 500 کروڑ سے زائد کی کوکین پکڑی گئی

سیب کےڈبوں میں کوکین کی 50 اینٹیں موجود تھیں جن کا وزن 50 کلو سے زائد تھا جب کہ کوکین کی مالیت 502 کروڑ سے زیادہ ہے

بھارتی میڈیا کےمطابق ڈائریکٹوریٹ آف ریونیو انٹیلی جنس (ڈی آر آئی) ممبئی زون نے نہاوا شوا پورٹ پر کارروائی کرتے ہوئے سیب کی پیٹیوں میں چھپی کوکین پکڑی۔

رپورٹس کے مطابق سیب کےڈبوں میں کوکین کی 50 اینٹیں موجود تھیں جن کا وزن 50 کلو سے زائد تھا جب کہ کوکین کی مالیت 502 کروڑ سے زیادہ ہے۔

ڈی آر آئی ممبئی کا کہنا ہےکہ سیب کے ڈبوں میں کوکین جنوبی افریقا سے برآمد کی جارہی تھی جسے انٹیلی جنس رپورٹ پر پکڑا گیا جس میں کوکین اینٹوں کی صورت میں موجود تھی اور ہر اینٹ کا وزن تقریباً ایک کلو تھا۔

ڈی آرآئی کے مطابق کوکین اسی امپورٹر کے نام سے بھیجی جارہی تھی جسے حال ہی میں کینو میں 9 کلو ہیروئن اسمگل کرتے ہوئے گرفتار کیا گیا۔

حکام کے مطابق ماضی قریب میں پکڑی جانے والی یہ اسمگلنگ کی سب سے بڑی کھیپ ہے۔

شاید آپ یہ بھی پسند کریں مصنف سے زیادہ

تبصرے بند ہیں.