اوباما نے غیر قانونی تارکین وطن کو شہریت دینے کا قانون جلد بنانیکا مطالبہ کردیا

واشنگٹن: امریکا کے صدر اوباما نے ایوانِ نمائندگان پرزور دیاہے کہ وہ امیگریشن سے متعلق اس قانون کی جلد منظوری دے جس کے نتیجے میں امریکامیں غیرقانونی طورپر مقیم افراد کے لیے شہریت کی راہ ہموار ہوگی۔ انھوں نے ہفتہ وار ریڈیوخطاب میں کہا کہ ان کی انتظامیہ کی جانب سے متعارف کرائے جانے والے اس بِل کے نتیجے میں غیرقانونی تارکینِ وطن کی امریکا آمد کی حوصلہ شکنی ہوگی۔ بِل میں متعارف کردہ اصلاحات کے نتیجے میں بہترین صلاحیتوں کے حامل تارکینِ وطن اورکالجوں ویونیورسٹیوں میں زیرتعلیم غیرملکی طلبا کے لیے امریکامیں اپنا کاروبار شروع کرنا آسان ہوگا جس سے ملازمتوں کے نئے مواقع پیدا ہوں گے اور امریکی معیشت مضبوط ہوگی۔