نیویارک: امریکا اور پاناما کے درمیان امریکی شہریوں کے اکاؤنٹس کی معلومات کے تبادلے کا معاہدہ طے پا گیا ہے جس کے تحت پاناما امریکا کو ان کے شہریوں کے تمام اکاؤنٹس کی معلومات دے گا جب کہ پاناما کے بلیک لسٹ ہونے کا خطرہ ٹل جائے گا۔
پاناما پیپرز کی جانب سے دنیا بھر کے کاروباری اداروں اور شخصیات کے آف شور اکاؤنٹس اور کمپنیوں کے تہلکہ خیزانکشافات نے کئی حکومتوں کو ہلا کر رکھ دیا تھا اور اب انہوں نے اعلان کیا ہے کہ وہ 2 لاکھ مزید افراد کو سامنے لائے گا جو آف شور کمپنیوں کے مالک ہیں جب کہ اسی تناظر میں امریکا نے اپنے شہریوں کے اکاؤنٹس کی معلومات پہلے سے حاصل کرنے کے لیے پاناما سے معاہدہ کیا ہے جس سے اسے انٹرنل ریوینو سروس کی صلاحیت حاصل ہوجائے گی۔
تبصرے بند ہیں.