کراچی / اسلام آباد:
صارف قیمتوں کے اشاریے (سی پی آئی) کی بنیاد پر افراط زر کی شرح میں اکتوبر کے دوران 4.2 فیصد کا سال بہ سال اضافہ ہوا جبکہ ماہانہ بنیادوں پر مہنگائی 0.8فیصد بڑھی۔
چیف شماریات کے مطابق آصف باجوہ نے ماہانہ بریفنگ کے دوران بتایا کہ جولائی تا اکتوبر کے دوران مہنگائی کی شرح 3.95 فیصد رہی، اکتوبر میں چکن، کریلہ، توری، سبز مرچ سمیت دیگر اشیا ضروریہ کی قیمتوں میں اضافہ ہوا، سالانہ بنیادوں پر دال چنا 33.72 فیصد، بیسن 32.72 فیصد، چکن 26.4 فیصد، سبزیاں 20.5 فیصد، سگریٹ 17.64 فیصد، چینی 13.39 فیصد، دال ماش 13.38 فیصد اور ٹماٹر کی قیمتوں میں 17.4 فیصد اضافہ ریکارڈ کیا گیا۔
تبصرے بند ہیں.