کبھی بھی اپنی شخصیت پر فلم بنانا نہیں چاہوں گا، فواد خان

لاہور(شوبزڈیسک) اداکار فواد خان نے کہاکہ وہ کبھی بھی اپنی شخصیت پر فلم نہیں بنانا چاہیں گے۔ انہوںنے حالیہ انٹرویو میں کہاکہ وہ ایک بور انسان ہیں اور کبھی نہیں چاہیں گے کہ ان کی زندگی پر فلم بنے۔ایک سوال پر انہوںنے کہاکہ ہر انسان ایک دوسرے سے مختلف ہے، ان کے لئے ہر شخص خاص ہے اور وہ کسی کے ساتھ موازنہ کرنے کے قائل نہیں ہیں۔ انہوں نے مزید بتایاکہ ہدایت کاروں میں انہیں عاصم رضا، بلال لاشاری اور فیصل قریشی کے ساتھ کام کرنا پسند ہے۔ فواد خان نئی فلم ’’نیلوفر‘‘ میں اداکارہ ماہرہ خان نے ساتھ مرکزی کردار ادا کرتے نظر آئیں گے۔