پنجاب اور کشمیر کے مختلف شہروں میں گرج چمک کے ساتھ موسلادھار بارش نے موسم کو خوشگوار بنادیا، جبکہ سندھ اور بلوچستان میں گرمی کی شدت میں کچھ کمی آگئی ہے۔محکمہ موسمیات کے مطابق آج ملک کےمتعدد مقامات کے علاوہ سندھ میں میر پور خا ص، ٹھٹھہ اور بدین، خیبر پختونخوا اور مظفر آباد آزاد کشمیر میں بھی بادل برس سکتے ہیں ۔پنجاب میں گوجرانولہ ، چکوال، منڈی بہاءالدین میں صبح سویرے سے وقفے وقفے سے بارش کا سلسلہ جاری ہے ، گجرات شہر اور گردونواح میں تیز بارش سے نشیبی علاقوں میں پانی کھڑا ہوگیا ہے۔ملکہ کوہسار مری میں رات سے بارش کا سلسلہ جاری ہے جس سے ٹھنڈی ہواؤں نےموسم کو تبدیل کردیا ہے، آزاد کشمیر میں متعدد مقامات ، میرپور ،نکیال ، برنالہ ،پلندری میں بھی وقفے قفے سے بارش ہورہی ہےدوسری جانب سندھ اور بلوچستان کے مختلف شہروں میں بارش کے بعد گرمی کی شدت میں بتدریج کمی آتی جا رہی ہے ۔
تبصرے بند ہیں.