اسلام آباد (شوبزڈیسک)پاکستانی ڈرامہ انڈسٹری کے اداکار عمیر رانا نے دعویٰ کیا ہے کہ بالی وڈ اداکار عامر خان نے ان کا ہیئر اسٹائل کاپی کیا ہے۔عمیر رانا کے مطابق عامر خان کا ہیئر اسٹائل بھی وہی ہے جو انہوں نے آج کل اپنایا ہوا ہے۔عمیر رانا نے کہا کہ بالی ووڈ اداکار عامر خان نے ان کے ہیئر اسٹائل کی نقل کی ہے اور ان کو یہ اچھا بھی لگا ہے۔عمیر رانا نے انسٹاگرام پر لایئو سیشن کے دوران بظاہر خوشی کا اظہار کرتے ہوئے کہا کہ ’میرے خیال میں عامر خان کو مجھے کال کرنی چاہیے کیونکہ اب تو انہوں نے میرا ہیئر اسٹائل بھی کاپی کر لیا ہے۔‘انہوں نے کہا کہ ’ہیئر اسٹائل کی نقل پر میں ان کی تعریف کرتا ہوں اور میں انہیں ہمیشہ سے پسند کرتا آیا ہوں۔‘اداکار کی جانب سے کئے گئے دعویٰ کے مطابق ہیئر اسٹائل میں عمیر اور عامر خان کے بالوں کی ’گرے‘ رنگت تو مشابہہ ہے تاہم اسٹائل قدرے مختلف ہی ہے۔عمیر رانا نے ڈرامہ سیریل ’پیار کے صدقے‘ میں سرور کا کردار ادا کیا تھا، ڈرامے میں ان کی اداکاری کو بہت پسند کیا گیا۔
تبصرے بند ہیں.