لورالائی ( ڈیلی پاکستان آن لائن) لورالائی میں سی ٹی ڈی نے کارروائی کرتے ہوئے 7 دہشتگردوں کو انجام تک پہنچا دیا جبکہ تین فرار ہونے میں کامیاب ہو گئے ۔نجی ٹی وی دنیا نیوز کے مطابق ترجمان سی ٹی ڈی نے بتایا کہ دہشتگردوں کی موجودگی کی خفیہ اطلاع پر لورالائی کے علاقہ کوہارڈیم میں ایک کمپاؤنڈ پر چھاپہ مارا جس پر دہشتگردوں نے فائرنگ کر دی ، فائرنگ کے تبادلے میں 7 دہشتگرد ہلاک ہو گئے ۔ترجمان کاؤنٹر ٹیررازم ڈیپارٹمنٹ ( ادارہ انسداد دہشتگردی) کے مطابق دہشتگردوں کے ٹھکانے سے بڑی تعداد میں اسلحہ وگولہ بارود برآمد ہوا جبکہ ہلاک ہونے والے دہشتگردوں کا تعلق کالعدم تنظیم سے تھا۔
تبصرے بند ہیں.