توانائی پالیسی: تاجکستان سے ایک ہزار میگاواٹ بجلی درآمد کی جائیگی

اسلام آباد: حکومت نے توانائی پالیسی پر عمل درآمد شروع کردیا۔ تاجکستان سے بجلی کی درآمدکیلیے منصوبہ بندی مکمل کر لی گئی۔ کاسا 1000 پلان کی دستاویزات کے حوالے سے بتایا گیا ہے کہ منصوبے کے تحت پاکستان کو ایک ہزارمیگا واٹ بجلی حاصل ہوگی لیکن یہ بجلی سال میں صرف 5 ماہ درآمدکی جاسکے گی۔ بجلی کا ٹیرف 8 روپے یونٹ مقرر کرنے کی تجویزدی گئی ہے۔ افغانستان 5 روپے یونٹ راہداری وصول کرے گا۔منصوبے سے 2016 تک بجلی کی فراہمی شروع ہو جائے گی۔کاسا 1000منصوبے پر20کروڑ ڈالرخرچ کیے جائیں گے۔ اس کیلیے قرضہ ورلڈبینک اوراسلامک بینک سے لیاجائے گا۔ منصوبے کیلیے 750 کلومیٹر 500 کے وی ٹرانسمیشن لائن بچھائی جائے گی،562کلومیٹر لائن افغانستان سے گزرے گی۔ منصوبے پر ایک ارب ڈالر لاگت آئے گی۔