اداکارہ دیا جٹ محفل تھیٹر میں ’’تکی جا ڈھولنا‘‘شاندار پرفارمنس سے نظروں میں آگئیں

لاہور(این این آئی)معروف فلمسٹار و سٹیج اداکارہ دیا جٹ محفل تھیٹر میں جاری ڈرامے ’’تکی جا ڈھولنا‘‘میں اپنی شاندار پرفارمنس سے نظروں میں آگئیں۔اس ڈرامے کے پروڈیوسر نعیم احمد آرگنائزرزین العابدین جبکہ ساتھی اداکاروں میں نوازانجم،لکی ڈئیر،شکیل چن،طاہرانجم،مریم خان،روحانور،نایاب خان،نازیہ بلوچ،ایوب مرزا،شاہد نوشادپرویزخان و دیگر شامل ہیں۔ایک ملاقات کے دوران دیاجٹ نے کہاکہ ایک لمبے عرصے بعد تھیٹر کا حصہ بنی ہوں انہیں امید ہے کہ ان کی پرفارمنس شائقین کو محظوظ کرے گی۔شوبز سرگرمیوں کے حوالے سے دیاجٹ نے کہاکہ اللہ اس انڈسٹری کو نظر بد سے بچائیں اس سے ہزاروں لوگوں کا روزگار وابستہ ہے جو عرصہ دراز سے لاک ڈائون کی وجہ سے بند تھا اب دوبارہ کھلنے پر خوشی ہوئی ہے۔دیا جٹ کا کہنا تھا کہ تھیٹر انڈسٹری میں اب معیاری تفریح کو فروغ دیا جارہاہے جو کہ خوش آئندہے۔