لاہور:
ویمنز ٹی ٹوئنٹی ایشیا کپ میں ہفتے کو پاکستان بھارتی دیوار بھی گرانے کیلیے تیار ہے۔
کوالالمپور میں جاری ویمنز ٹی ٹوئنٹی ایشیا کپ میں بھارت 4میچز میں6پوائنٹس کے ساتھ سرفہرست ہے، پاکستان کے بھی اتنے ہی پوائنٹس لیکن نیٹ رن ریٹ میں 0.107 کے معمولی فرق کی وجہ سے وہ دوسرے نمبر پر ہے، دوسری طرف بنگلادیش کے بھی 6پوائنٹس لیکن نیٹ ریٹ ابتدائی دونوں ٹیموں سے بہت کم ہے،ایونٹ کا لیگ مرحلہ ہفتے کو مکمل ہوجائے گا۔
پاکستان نے بھارت کو شکست دے دی تو8پوائنٹس کے ساتھ اتوار کو شیڈول فائنل میں جگہ پکی ہوجائے گی،ناکامی کی صورت میں اگر مگر کا چکر شروع ہوجائے گا،بنگلادیش کا میچ ابھی تک فتح کا مزا نہ چکھ پانے والی ملائیشین ٹیم سے ہے،کوئی بڑا اپ سیٹ نہ ہوا تو مہمان ٹیم کی فتح کا امکان روشن ہے۔
تبصرے بند ہیں.