گیانا:
بلند حوصلہ پاکستان کو ون ڈے سیریز کا مشکل امتحان درپیش ہے تاہم کامیابی سے ورلڈ کپ میں براہ راست شمولیت کی راہ ہموار کرنے کا موقع ملے گا۔
ٹوئنٹی20 سیریز میں 3-1 سے سرخرو ہونے والی پاکستان ٹیم کا اگلا امتحان ون ڈے سیریز میں ہوگا، پہلا میچ 7 اپریل کو ہونا ہے،9 اور 11 تاریخ کو دیگر دونوں میچز بھی گیانا میں شیڈول ہیں،صرف مختصر فارمیٹ کیلیے اسکواڈ میں جگہ پانے والے سہیل تنویر اور رومان رئیس کے ساتھ کوئی میچ نہ کھیل پانے والے عثمان شنواری اور محمد نواز بھی واپسی کیلیے رخت سفر باندھ چکے، ٹوئٹنی 20 سیریز کے دوران آرام کرنے والے محمد عامر ویسٹ انڈیز پہنچ گئے تھے، جیند خان، آصف ذاکر، فہیم اشرف اور محمد اصغر بھی اسکواڈ کو جوائن کرچکے ہیں،کامران اکمل 3سال بعد ون ڈے ٹیم کا حصہ بن رہے ہیں۔
تبصرے بند ہیں.