پاکستان اور ویسٹ انڈیز کے درمیان ٹیسٹ سیریز کیلیے مشقوں کا آغاز آج سے ہوگا

لاہور: 

ویسٹ انڈیز سے ٹیسٹ سیریزکیلیے مشقوں کا آغاز آج ہوگا جس کے لیے طویل فارمیٹ کے اسپیشلسٹ 13 کرکٹرز کو مدعو کرلیا گیا۔

ویسٹ انڈیز کیخلاف ٹیسٹ سیریز کیلیے تربیتی کیمپ آج لاہور میں شروع ہو رہا ہے، سلیکٹرز نے ٹریننگ کیلیے 13کھلاڑیوں کو مدعو کرلیا، ان میں کپتان مصباح الحق،یونس خان، اظہر علی، اسد شفیق، سمیع اسلم، شان مسعود، عثمان صلاح الدین، یاسر شاہ، سہیل خان، راحت علی،محمد عباس،اسد رضا اور خالد عثمان شامل ہیں،گریڈ 2 ٹورنامنٹ میں شریک مصباح سمیت چند کرکٹرز بعد میں کیمپ کو جوائن کریں گے۔