فائنل میں جو کھلاڑی پاکستان نہیں آئے گا اس کا متبادل دیکھیں گے، نجم سیٹھی

لاہور: 

پاکستان سپر لیگ کے چیئرمین نجم سیٹھی کا کہنا ہے کہ آسٹریلیا، انگلینڈ اور بنگلادیش کے کھلاڑی پاکستان آرہے ہیں تاہم اگرکوئی کھلاڑی پاکستان آنے کے لیے تیار نہ ہوا تو اس کا متبادل دیکھیں گے۔

لاہور میں میڈیا سے بات کرتے ہوئے نجم سیٹھی نے کہا کہ آج سے فائنل میچ کی ٹکٹوں کی فروخت شروع ہوگی اور ٹکٹ 500 روپے سے 12 ہزار تک ہوگی۔ انہوں نے کہا کہ  قوم نے جرات اور بہادری دکھائی ہے جب کہ میڈیا کی سپورٹ کے بغیر یہ کام مکمل نہیں ہوسکتا تھا۔