اسلام آباد: وزیراعطم نواز شریف نے کہا ہے کہ پیپلزپارٹی کو صدارتی انتخاب کا بائیکاٹ نہیں کرنا چاہیے تھا ۔ بائیکاٹ جمہوری اُصولوں کے خلاف ہے ۔ وزیراعظم نے تحریک انصاف کے حصہ لینے کو قابل تحسین قرار دیا۔ وزیراعظم سے بلوچستان کے سینیٹرز اور ارکان صوبائی اسمبلی نے ملاقات کی ۔ نواز شریف کا کہنا تھا کہ پیپلز پارٹی کو صدارتی انتخاب میں حصہ لے کر اعلیٰ ضرفی کا مظاہرہ کرنا چائیے تھا ۔ صدارتی انتخاب کا بائیکاٹ جمہوری تقاضوں کے منافی ہے۔ وزیراعظم نے کہا کہ تحریک انصاف کے صدارتی انتخاب میں حصہ لینے سے جمہوریت مضبوط ہوگی۔
