صدر مملکت آصف علی زرداری آج اٹھاون ویں سالگرہ منا رہے ہیں
اسلام آباد : ملک میں نئے صدر کے انتخاب کی تیاری ہو رہی ہے، جب کہ صدر آصف علی زرداری آج اٹھاون سال کے ہوگئے۔ ان کی سالگرہ پر پیپلز پارٹی کی جانب سے ملک بھر میں تقریبات منعقد کی جائیں گی۔ صدر آصف علی زرداری کی اٹھاون ویں سالگرہ کے موقع پر ملک بھر میں مذاکرے اور تقریبات کا اہتمام کیا جا رہا ہے۔ ان تقریبات میں سالگرہ کے کیک کاٹے جائیں گے اور صدر پاکستان کی درازی عمر کے لئے خصوصی دعائیں مانگی جائیں گی۔ صدر زرداری بیرون ملک ہونے کے باعث اپنے بچوں کے ساتھ سالگرہ منائیں گے۔
