اسلام آباد:
سینیٹ کی قائمہ کی کمیٹی برائے داخلہ میں نیکٹا نے انکشاف کیاہے کہ 65 افراد پر حملوں کی رپورٹ ہے اور ان میں ملک کی تمام سیاسی جماعتوں کی قیادت کو خطرہ ہے جبکہ آئی جی بلوچستان نے کہاہے کہ مستونگ میں خودکش حملہ کرنے والے دہشت گرد کی شناخت کرلی گئی اور یہ کارروائی داعش نے کی ہے۔
قائمہ کمیٹی کاخصوصی اجلاس جمعرات کو پارلیمنٹ ہاؤس کمیٹی روم میں سینیٹررحمن ملک کی زیرصدارت ہوا جس میںکمیٹی کے ممبران کے علاوہ جی ایچ کیو کے نمائندے سمیت نیکٹا کوآرڈینیٹر، وفاقی سیکریٹری داخلہ، سیکریٹری الیکشن کمیشن، چاروں صوبوںکے آئی جیز اور ہوم سیکریٹریز نے شرکت کی۔ اجلاس کے آغاز میں پشاور اور مستونگ کے شہدا کیلیے فاتحہ خوانی کی گئی۔
تبصرے بند ہیں.