Latest National, International, Sports & Business News

ویمن کرکٹرز کی فٹنس جانچنے کا سلسلہ شروع

لاہور: 

قومی ویمن کرکٹرز کی فٹنس جانچنے کا سلسلہ شروع ہوگیا تاہم پہلے مرحلے میں چند پلیئرز کا لاہور اور دیگر کا کراچی میں ٹیسٹ ہوا جب کہ دیگر کی جمعرات کو طلبی ہوگی۔

معمول کے مطابق سینٹرل کنٹریکٹ یافتہ کرکٹرز کے سال میں 3بار فٹنس ٹیسٹ لیے جاتے ہیں،تیسرا مرحلہ گزشتہ روز شروع ہوا،لاہور میں ون ڈے اور ٹی ٹوئنٹی ٹیم کی کپتان بسمہ معروف،انعم امین،سدرا نواز،نشرا سندھو،غلام فاطمہ، سدرا امین،ندا راشدڈار اورسعدیہ یوسف نے نیشنل کرکٹ اکیڈمی میں ٹیسٹ دیے۔

طلب شدہ کرکٹرز میں ثنا میر کا نام بھی شامل تھا لیکن سابق کپتان گھٹنے کی انجری سے نجات کیلیے بحالی پروگرام جاری رکھے ہوئے ہیں اس لیے ان کی فٹنس بعد میں جانچی جائے گی، دوسری جانب حال ہی میں پیا گھر سدھارنے والی اسماویہ اقبال کھوکھر بھی این سی اے میں رپورٹ نہیں کرسکیں۔

Comments

comments

تبصرے بند ہیں، لیکن فورم کے قوائد اور لحاظ کھلے ہیں.