Latest National, International, Sports & Business News

وزیراعلی بلوچستان کے خلاف تحریک عدم اعتماد آج پیش ہوگی

کوئٹہ: 

بلوچستان اسمبلی میں وزیراعلٰی بلوچستان نواب ثنااللہ زہری کے خلاف تحریک عدم اعتماد آج پیش ہوگی۔

بلوچستان اسمبلی کا اجلاس آج شام 4 بجے ہوگا، جس میں منحرف اراکین وزیراعلیٰ کے خلاف باقاعدہ تحریک عدم اعتماد پیش کریں گے۔ ان اراکین کا دعویٰ ہے کہ انہیں 65 کے ایوان میں 40 سے زائد کی حمایت حاصل ہے، جس میں مسلم لیگ (ن) کے 11، جمعیت علمائے اسلام (ف) کے 8، ق لیگ کے 5، بی این پی مینگل کے 2 ارکان کے علاوہ ایم ڈبلیوایم، نیشنل پارٹی اور بی این پی عوامی کا ایک ایک رکن شامل ہے۔

دوسری طرف آج بھی منحرف اراکین کی ملاقاتوں کا سلسلہ جاری ہے۔ وزیراعلیٰ بلوچستان کوتحریک عدم اعتماد ناکام بنانے کے لئے 33 اراکین کی حمایت درکارہوگی تاہم اس کے بعد اسپیکر بلوچستان اسمبلی راحیلہ حمید درانی 3 سے 7 روز میں اس پر رائے شماری کرائیں گی۔

Comments

comments

تبصرے بند ہیں، لیکن فورم کے قوائد اور لحاظ کھلے ہیں.