Latest National, International, Sports & Business News

بالی ووڈ اداکارہ سروین چاؤلہ نے ہندو مذہب چھوڑ دیا

ممبئی: بالی ووڈ میں اپنے بے باک مناظر  کے حوالے سے شہرت حاصل کرنے والی اداکارہ سروین چاؤلہ نے ہندو مذہب چھوڑ کر بدھ مت اختیار کرلیا۔

بالی ووڈ اداکارہ نے فلمی کیرئیر کا آغاز 2011 میں ریلیزہونے والی فلم ’’ہم تم شبانہ‘‘ سے کیا لیکن شہرت فلم ’’ہیٹ اسٹوری 2‘‘ سے حاصل ہوئی جب کہ اداکارہ نے فنی سفر میں بے باک مناظر کے حوالے سے ہی شہرت حاصل کی ہے جس کے باعث فلم نگری میں کوئی خاص مقام نہیں بنا سکی ہیں تاہم اب اداکارہ نے ہندو مذہب چھوڑنے کا اعلان کیا ہے۔

میڈیا رپورٹس کے مطابق سروین چاؤلہ  نے ہندو مذہب چھوڑ کر بدھ مت اختیار کرلیا ہے جس کے بعد انہوں نے بدھ مت کی تعلیم بھی حاصل کرنا شروع کردی ہے جب کہ اداکارہ کا کہنا تھا کہ ذہنی سکون کے لیے ہندو مذہب چھوڑ رہی ہوں جس کے لیے بدھ مت کی تعلیم حاصل کررہی ہوں تاہم مذہبی ہونے کے باوجود فلم نگری نہیں چھوڑوں گی۔

واضح رہے کہ اداکارہ سروین چاؤلہ نے پنجابی، تامل اور تیلگو فلموں میں بھی اداکاری کے جوہر دکھائے ہیں۔

Comments

comments

تبصرے بند ہیں، لیکن فورم کے قوائد اور لحاظ کھلے ہیں.