پاکستان نے سہ ملکی انڈر 19 کرکٹ سیریز جیت لی
تین ملکی انڈر نائنٹین کرکٹ سیریز پاکستان نے جیت لی۔ فائنل میں انگلینڈ کو 97 رنز کی شکست کا کڑوا گھونٹ بھرنا پڑا۔
دبئی: () دبئی میں سہہ ملکی سیریز کا فائنل پاکستان اور انگلینڈ کی انڈر نائنٹین ٹیموں کے درمیان کھیلا گیا۔ پاکستان نے پہلے کھیلتے ہوئے ٹوٹل کو دو سو سینتالیس تک پہنچایا۔ امام الحق اور کامران غلام نے اکاون اکاون رنز کی شاندار اننگز کھیلی۔ وکٹ کیپر بیٹسمین سیف اللہ خان سینتیس رنز بنا کر ناقابل شکست رہے۔ جواب میں پاکستان انڈر نائنٹین بولرز بھی گوروں کے لیے خطرے کا نشان بن گئے۔ ایک پر ایک، انیس پر دو، سینتالیس پر تین جبکہ چوہتر رنز پر انہیں چھٹی وکٹ کا نقصان اٹھانا پڑا۔ یوں پوری ٹیم چالیس اوورز میں ایک سو پچاس تک گھٹنے ٹیک گئی۔ عرفان اللہ شاہ، ظفر گوہر اور کرامت علی نے دو دو وکٹیں گرائیں ۔