پاکستانی روپے کے مقابلے میں ڈالر اور برطانوی پاؤنڈ سستا ہو گیا
انٹر بنک فاریکس مارکیٹ میں گزشتہ کاروباری ہفتے کے دوران پاکستانی روپے کے مقابلے میں ڈالر اور برطانوی پاؤنڈ سستا ہو گیا جبکہ یورو کی قدر بڑھ گئی۔
لاہور:) اسٹیٹ بنک کے اعدادوشمار کے مطابق ایک ہفتے کے دوران ڈالر کی قدر میں آٹھ پیسے کمی ہوئی۔ برطانوی پاؤنڈ میں ایک روپے اکتالیس پیسے جبکہ کویتی دینار پچاس پیسے سستا ہو گیا۔ اس دوران آسٹریلین ڈالر کی قدر میں ایک روپے نواسی پیسے اضافہ ہوا۔ یورو بیس پیسے، کینڈین ڈالر بانوے پیسے، نیوزی لینڈ ڈالر نواسی پیسے جبکہ ترک لیرا ستاسی پیسے بڑھ گیا۔