عدنان انور کو بھارت چھوڑنے پر ٹیم انتظامیہ کیخلاف کارروائی کا فیصلہ
پاکستان ہاکی فیڈریشن کا جونیئر کھلاڑی عدنان انور کو بھارت تنہا چھوڑ آنے پر ٹیم انتظامیہ کے خلاف کارروائی کا فیصلہ کر لیا۔
لاہور: () ذرائع کے مطابق جونیئر ہاکی ورلڈ کپ کھیلنے کے لیے بھارت جانے والی ٹیم کے کھلاڑی عدنان انور کو ٹیم کے ساتھ وطن واپس نہیں لایا گیا۔ اس غیر ذمہ دارانہ رویے پر پی ایچ ایف نے ٹیم انتظامیہ کے خلاف کارروائی کرنے کا فیصلہ کر لیا ہے۔ بتایا گیا ہے کہ جونیئر ہاکی ٹیم انتظامیہ نے وطن واپسی پر عدنان انور کی پولیس رپورٹ نہیں کرائی تھی۔ بھارتی حکام نے عدنان انور کو پاکستان آنے سے روک لیا تھا۔ جونیئر ہاکی کھلاڑی نے تمام مسائل کا اکیلے سامنا کیا۔ اس سے بھی افسوس کی بات یہ ہے کہ عدنان انور کو پیسے بھی نہیں دیئے گئے تھے۔